Welkom op de site vaan Carnavalsveriëniging De Krey.

CV De Krey is dé Carnavalsveriëniging vaan Brokeze.

Ut Noord-Limburgse Brokeze (Broekhuizen) is un klein moj dörpke aan de maas daat zo’n 850 ienwoëners telt. Ien 1957 is de Carnavalsveriëniging vaan Brokeze opgericht. Alle thuus-activiteite vaan De Krey werre gehalde ien “De Kreyenès” op veerwaeg 15 ien Brokeze.

Carnavalsveriëniging De Krey stut vural bekend um ziene fameuze “Tour De Brokeze” den jaorluks op carnavalsdinsdaag ien ut dörp wurd gehalde.

Verder hed CV De Krey o.a. jaorluks (vreejdaags de waek vur carnaval) enne Buutaovend, op carnavalszaoterdaag enne aalzelaeve knoepgezellige uutgaons-aovend mit ut Buurtenbal en spesjaal vur de kiender op carnavalsmaondaag un echte KienderBooreBrulluf.

De complete geüniformeerde groep vaan CV De Krey bestut uut De Prins mit (meugeluk) en Princes, enne Adjudant, enne Vorst, De Raod vaan Elluf, De Pliesie, De Narre, Ut besteur en de Dansmarietjes. Buute dees geuniformeerde leeje zien d’r nog tal vaan andere aktieve leeje die zich ok mit ienzette um enne mojje carnaval ien Brokeze mit te make.

Verder zien d’r ien Brokeze ok nog twieje Kapelle die vur de nuëdige blaosmeziek zurge mit de carnaval; daat is Joekskapel “Duk d’r nève” en Blaoskapel “Gister ging ut baeter”.

Vul Plezeer op dees site!

En tot ien De Kreyenès!

Programma 2018

Couldn't execute query 'SELECT * FROM agenda WHERE archief='0' AND algemeen='1' AND datum>'2021-11-26' ORDER BY datum'